في مجتمع زي مجتمعنا، في أغلب الأوقات في مواضيع كتير بتبقى خط أحمر، أو حاجة كده من المحرمات، ما ينفعش تتكلم فيها، مش هتلاقيها أوي في التلفزيون عشان ماحدش بيبقى مستعد إنه يواجه أسئلة ممكن جدا مايعرفش يرد عليها و عقلية مجتمع مش ها تفهم اللي بيتقال أصلا و دماغ متركبة بشكل معين.
من المواضيع دي أكيد موضوع زي العلاقة الحميمية، مش أي حد تتكلم معاه في حاجة زي دي و مش أي حد يتقبل أصلا إنك تفتح معاه الموضوع ، مع إنها حاجة مش حرام و الطبيعي إنها تتعمل.
أغلب الأبحاث بتؤكد إن ممارسة العلاقة الحميمية كل يوم بتخلي الإنسان أسعد و صحي و مبتكر أكتر.
العلاقة الحميمية اليومية بتخلي الإنسان سعيد
بما إننا بنتكلم في إنها حاجة طبيعية و بتحصل و مش حرام، يبقى طبعا بعد أما بتتعمل بيبقى في سعادة من الطرفين سواء الراجل أو الست، بتكون حاجة بتكسر الروتين اللي بيبقى موجود في الحياة اليومية، حاجة مدتها قليلة بس ممكن جدا تحسن مزاجك اليوم كله و تبقى مبسوط و تبقى حاسس إن الحياة جميلة و كويسة.
غير كده، بتخلي الواحد عنده ثقة في نفسه و في شكله و بيتقبل جسمه و يبقى شايفه كويس، بيخلي الإنسان يحس إنه حر و ببساطة هي حاجة موجودة و مطلوبة في الحياة.
العلاقة الجنسية شئ طبيعي و صحي كمان للإنسان
العلاقة الحميمية ليها فوائد كتير من ضمنها فوائد صحية، زي مثلا إنها بتحسن من نظام المناعة و بيبقى في إنخفاض في ضغط الدم و التوتر و القلق و بتقلل جدا من الإصابة بالنوبات القلبية، و كمان بتمنع من أنواع معينة من السرطان، ده غير إنها بتقلل من الإكتئاب بشكل كبير.
و طبعا اللي بيمارس العلاقة الحميمية بشكل يومي بيتمتع بصحي أفضل و بالتالي الحياة بتبقى أفضل و أحسن.
كل الناس اللي بيمارسوا الجنس بشكل مستمر، حياتهم بتبقى فيها سعادة و راحة و بيبقوا شخصيات صحية عن الناس اللي مش بيمارسوه، ده غير إن جسم الإنسان في الوقت ده، بيبقى في حركة بشكل كبير فا الموضوع كمان بيبقى رياضة بالنسبة للكتير لأن أعضاء جسمك كلها بيبقى فيها حركة.
من فوائد العلاقة الحميمية إنها بتساعد الإنسان على الإبتكار
العلاقة الحميمية بتساعد على إن الإنسان يكون مبتكر و يبقى بيفكر في العالم بشكل تاني، و الموضوع بيبقى بنسبة أكبر بكتير أما العلاقة الحميمية بتبقى مع شخص إنت بتحبه بجد، أما يعني الموضوع يبقى في حب مش مجرد حاجة بتتعمل مع أي حد، فا طبعا الإبتكار بيبقى موجود و زايد أما بتبقى العلاقة مع حد بتحبه عن أي شخص عادي.
العلاقة الحميمية تعتبر من الجوانب الحيوية في الحياة غير إنها حاجة طبيعية و موجودة من زمان و لازم تبقى بتتعامل مع الموضوع إنه حاجة حلوة أكتر من إنه واجب زوجي و لازم يتعمل أو يبقى موجود عشان لو التفكير كده، ها تفقد كل الكلام اللي اتقال فوق و مش ها تحس بيه.
0 التعليقات:
إرسال تعليق